{ तुला पाहताना ; तुला पाहताना } - २
तुला पाहताना मनी काय वाटे
इंद्रधनुचे नभी रंग दाटे ….
कधी एक रंग नजर ती ठरेना
असे काही दाटे तुला पाहताना
{ पहाटे पहाटे धुसरल्या वाटा ;
कुठे रंग केशर उसळूनी लाटा } - २
तरुपल्लवी ती चमकली शलाका ;
असे धुंद पृथ्वी तुला पाहताना
( तुला पाहताना ; ) - ३
{ वसंतातला तो बहर अंबियाचा
मधुर गंध दाटे सभोती तयाचा } - २
साद स्वरांना कुहू कोकिळेचा ;
ताल लयीचा तुला पाहताना
( तुला पाहताना ; ) - ३
{ प्रथम पावसाचा असा मृदगंध
मना केवड्याचा तो भुलवी सुगंध } - २
निशिगंध व्हावे भिडे काळजाला ;
अशी धवलगंधा तुला पाहताना
{ तुला पाहताना ; तुला पाहताना } - २
तुला पाहताना मनी काय वाटे
इंद्रधनुचे नभी रंग दाटे ….
कधी एक रंग नजर ती ठरेना
असे काही दाटे तुला पाहताना
ऑडीओ डाउनलोड लिंक - audio download link
0 comments:
Post a Comment